محمود احمد May10,2026
اسلام آباد (نیوز اینڈ نیوز) — 10 مئی 2026ء
پاکستان ٹیلی کمیونیکیشن کمپنی لمیٹڈ (PTCL) نے ملک بھر میں اپنے صارفین کو خبردار کیا ہے کہ 11 سے 18 مئی 2026ء کے دوران انٹرنیٹ سروس میں عارضی سست روی یا خلل کا سامنا ہو سکتا ہے۔
PTCL کے مطابق ایک بین الاقوامی سب میرین کیبل پر خرابی دور کرنے کے لیے شیڈول مینٹیننس کا کام کیا جائے گا۔ یہ مرمتی سرگرمی انٹرنیشنل کیبل کنسورشیم کی جانب سے کی جا رہی ہے اور 11 مئی سے شروع ہو کر 18 مئی تک جاری رہنے کا امکان ہے۔
کمپنی نے بتایا کہ مینٹیننس کے دوران بالخصوص شام کے اوقات میں صارفین کو انٹرنیٹ سروس میں degradation یعنی سروس کے معیار میں عارضی کمی کا سامنا کرنا پڑ سکتا ہے۔ اس دوران بعض صارفین کے لیے انٹرنیٹ کی رفتار معمول سے کم محسوس ہو سکتی ہے۔
PTCL نے صارفین سے ممکنہ عارضی دشواری پر معذرت کرتے ہوئے کہا ہے کہ مینٹیننس کا مقصد سب میرین کیبل میں موجود خرابی کو دور کرنا ہے تاکہ بین الاقوامی انٹرنیٹ کنیکٹیویٹی کو بہتر اور مستحکم رکھا جا سکے۔
پاکستان میں ماضی میں بھی سب میرین کیبلز میں خرابی یا مرمتی کام کے باعث انٹرنیٹ سروس متاثر ہوتی رہی ہے، کیونکہ ملک کی بین الاقوامی انٹرنیٹ کنیکٹیویٹی کا ایک اہم حصہ زیرِ سمندر فائبر آپٹک کیبل نیٹ ورک سے منسلک ہے۔
نیوز اینڈ نیوز کی وضاحت:
PTCL کی اطلاع کے مطابق 11 سے 18 مئی کے دوران متوقع مسئلہ ملک بھر میں مکمل انٹرنیٹ بندش کا اعلان نہیں تھا، بلکہ سب میرین کیبل کی مرمت کے دوران بالخصوص شام کے اوقات میں انٹرنیٹ سروس کے معیار میں عارضی کمی کا امکان ظاہر کیا گیا تھا۔
ماخذ: PTCL، Dawn، UrduPoint