کاشف عباسی ,june 30,026
اسلام آباد (نیوز اینڈ نیوز) — 30 جون 2026ء
وزیراعظم محمد شہباز شریف نے لاہور کے علاقے کاہنہ میں ایک ٹیوشن سینٹر کی چھت گرنے کے افسوسناک حادثے کے نتیجے میں ہونے والے قیمتی جانی نقصان پر انتہائی گہرے دکھ، رنج اور افسوس کا اظہار کیا ہے۔ منگل کے روز وزیراعظم آفس کے میڈیا ونگ کی طرف سے جاری کردہ مقتدر بیان کے مطابق، وزیراعظم محمد شہباز شریف نے اس ناگہانی حادثے میں معصوم بچوں کے جاں بحق ہونے پر گہرے دکھ کا اظہار کرتے ہوئے متاثرہ خاندانوں اور لواحقین سے دلی ہمدردی اور تعزیت کی ہے، جبکہ جاں بحق ہونے والے بچوں کے درجات کی بلندی اور پسماندگان کے لیے صبرِ جمیل کی مخلصانہ دعا کی ہے۔ وزیراعظم نے انتظامیہ کو سخت ہدایت جاری کی ہے کہ حادثے میں زخمی ہونے والے تمام بچوں اور افراد کی جلد صحت یابی کے لیے تمام تر وسائل بروئے کار لائے جائیں اور انہیں ہسپتالوں میں ہر ممکن اور بہترین طبی امداد فوری طور پر فراہم کی جائے۔