کاشف عباسی , JULY 02,026
اسلام آباد (نیوز اینڈ نیوز) — 2 جولائی 2026ء
وزیراعظم محمد شہباز شریف نے اپنی حکومت کے عوامی خدمت کے ایجنڈے کو مزید تیزی سے آگے بڑھانے اور عوام کے بنیادی مسائل کے فوری حل کو اولین ترجیح دینے کی سخت ہدایت کی ہے۔ انہوں نے ان خیالات کا اظہار وفاقی وزیر برائے امورِ کشمیر و گلگت بلتستان انجینئر امیر مقام سے گفتگو کرتے ہوئے کیا، جنہوں نے جمعرات کے روز یہاں ان سے ایک مقتدر ملاقات کی ہے۔ وزیراعظم آفس کے میڈیا ونگ کی طرف سے جاری کردہ آفیشل بیان کے مطابق، وفاقی وزیر برائے پبلک افیئرز یونٹ رانا مبشر اقبال، وزیر مملکت برائے پاور عبدالرحمٰن خان کانجو اور وزیراعظم کے معاونِ خصوصی طلحہٰ برکی بھی اس اعلیٰ سطحی تزویراتی ملاقات میں موجود تھے۔
ملاقات کے دوران ملک کی مجموعی سیاسی و انتظامی صورتحال پر تفصیلی تبادلہ خیال کیا گیا۔ اس موقع پر گفتگو کرتے ہوئے وزیراعظم محمد شہباز شریف نے واضح کیا کہ حکومتی اراکین اور وزراء عوامی خدمت کے مشن کو تیز کریں تاکہ عام آدمی کو براہِ راست ریلیف فراہم کیا جا سکے۔ انہوں نے خصوصی طور پر زور دیتے ہوئے کہا کہ آزاد کشمیر اور گلگت بلتستان کی پائیدار ترقی، خوشحالی اور وہاں کے عوام کی سماجی فلاح و بہبود کے لیے وفاقی حکومت تمام دستیاب وسائل کو ہر ممکن طور پر بروئے کار لائے گی اور ان خطوں میں جاری ترقیاتی منصوبوں کو شفافیت کے ساتھ مقررہ مدت میں مکمل کیا جائے گا۔