2026 محمود احمد 06 مئی، بدھ،
واشنگٹن (نیوز اینڈ نیوز): امریکی صدر ڈونلڈ ٹرمپ نے امریکا اور ایران کے درمیان ممکنہ آئندہ مذاکرات کے لیے پاکستان جانے سے متعلق سوال پر کہا ہے کہ اس بارے میں فی الحال کچھ کہنا قبل از وقت ہوگا۔
غیر ملکی میڈیا رپورٹ کے مطابق صدر ڈونلڈ ٹرمپ سے پوچھا گیا کہ کیا امریکا اور ایران کے درمیان مذاکرات کے لیے دوبارہ پاکستان کا انتخاب کیا جا سکتا ہے، جس پر انہوں نے جواب دیا کہ ابھی اس بارے میں کوئی حتمی بات نہیں کی جا سکتی اور یہ کہنا جلد بازی ہوگی کہ دونوں ممالک دوبارہ براہ راست مذاکرات کریں گے۔
انہوں نے کہا کہ موجودہ صورتحال میں مختلف آپشنز زیر غور ہو سکتے ہیں، تاہم کسی بھی فیصلے سے قبل حالات کا مکمل جائزہ لیا جائے گا۔
تجزیہ کاروں کے مطابق حالیہ پیش رفت کے بعد پاکستان کو ایک ممکنہ سفارتی مقام کے طور پر دیکھا جا رہا ہے، تاہم آئندہ مذاکرات کہاں ہوں گے اس کا انحصار خطے کی صورتحال پر ہوگا۔