کاشف عباسی ,june 23,2026
راولپنڈی (سفارتی رپورٹر/نیوز اینڈ نیوز) — 23 جون 2026ء
پاک فوج کے شعبہ تعلقاتِ عامہ کے مطابق، چیف آف آرمی اسٹاف جنرل سید عاصم منیر نے ایران کے صدر ڈاکٹر مسعود پزشکیان سے ایک انتہائی اہم اور مقتدر ملاقات کی ہے۔ اس اعلیٰ سطحی ملاقات کے دوران مجموعی علاقائی صورتحال، امن کے پائیدار فروغ، سیکیورٹی چیلنجز اور خطے میں پائیدار استحکام سے متعلق تزویراتی امور پر تفصیلی تبادلہ خیال کیا گیا۔ دونوں رہنماؤں نے خطے میں امن، خوشحالی اور استحکام کے مشترکہ ہدف کے حصول کے لیے دوطرفہ برادرانہ تعاون کو مزید وسعت دینے پر مکمل اتفاق کیا۔
پاک فوج کے ترجمان کے مطابق، ایرانی صدر ڈاکٹر مسعود پزشکیان نے خطے میں مکالمے کے آغاز، کشیدگی میں نمایاں کمی اور امن و استحکام کے فروغ کے لیے پاکستان کے تعمیری، مخلصانہ اور ذمہ دارانہ کردار کو مقتدر الفاظ میں سراہا۔ ایرانی صدر نے علاقائی تنازعات کے پرامن حل اور مختلف عالمی و علاقائی فریقوں کے درمیان مفاہمت کو فروغ دینے کے لیے پاکستان کی مسلسل اور کامیاب سفارتی کوششوں کو زبردست خراجِ تحسین پیش کیا۔ انہوں نے واضح کیا کہ پاک ایران مضبوط تعلقات پورے خطے کے امن و امان اور معاشی ترقی کے لیے ناگزیر ہیں۔
مقتدر ملاقات کے دوران آرمی اسٹاف جنرل سید عاصم منیر نے خطے میں پائیدار امن اور استحکام کے قیام کے لیے پاکستان کے غیر متزلزل اور اصولی عزم کا اعادہ کیا۔ دونوں رہنماؤں نے پاکستان اور ایران کے درمیان دیرینہ دوطرفہ، دفاعی اور سفارتی تعلقات کو مشترکہ مفادات کے تحت مزید مضبوط بنانے اور باہمی دلچسپی کے تمام امور پر مستقبل میں بھی قریبی تزویراتی مشاورت جاری رکھنے کے عزم کا اظہار کیا۔ ‘نیوز اینڈ نیوز’ کے عسکری ذرائع کے مطابق، اس اہم ملاقات سے دونوں برادر اسلامی ممالک کے مابین سرحدی سیکیورٹی اور علاقائی مفاہمت کے عمل کو مزید تقویت ملے گی۔