کاشف عباسی ,june 10,2026
اسلام آباد(نیوز اینڈ نیوز) — 10 جون 2026ء
حکومتِ پاکستان نے ملک میں بچت کے رجحان کو فروغ دینے اور سرمایہ کاروں کو ریلیف فراہم کرنے کے لیے قومی بچت (نیشنل سیونگز) اسکیموں اور سروا اسلامک اسکیموں کے تحت مختلف سرمایہ کاری منصوبوں پر منافع کی شرح میں نمایاں اضافہ کر دیا ہے، جس کا باقاعدہ نوٹیفکیشن بھی جاری کر دیا گیا ہے، اسلام آباد کے سرکاری ذرائع اور سینٹرل ڈائریکٹوریٹ آف نیشنل سیونگز کی جانب سے جاری کردہ اعلامیے کے مطابق ان نئی اور زائد شرحوں کا باقاعدہ اطلاق ۱۰ جون ۲۰۲۶ء یعنی آج ہی سے پورے ملک میں فوری طور پر نافذ العمل کر دیا گیا ہے، جاری کردہ سرکاری اعلامیے کی تفصیلات کے مطابق اسپیشل سیونگز سرٹیفکیٹ اور اسپیشل سیونگز اکاؤنٹ پر پہلے پانچ منافع کی چھ ماہی ادائیگیوں کے لیے اب سالانہ شرح بارہ اعشاریہ چار (12.4) فیصد مقرر کی گئی ہے، جبکہ چھٹے اور آخری منافع کی ادائیگی کے لیے اس شرح کو مزید بڑھا کر تیرہ اعشاریہ چھ (13.6) فیصد کر دیا گیا ہے، اسی طرح ڈیفنس سیونگز سرٹیفکیٹ کے تحت سرمایہ کاری کرنے والوں کے لیے مختلف مدتوں کے لحاظ سے منافع کی شرح میں بھی واضح اضافہ کیا گیا ہے، جس کے تحت دسویں سال کی مدت مکمل ہونے تک مجموعی منافع دو سو سولہ (216) فیصد کی بلند ترین سطح تک پہنچ جائے گا، جو سرمایہ کاروں کے لیے ایک پرکشش موقع ہے، وزارتِ خزانہ کے نوٹیفکیشن کے مطابق ریگولر انکم سرٹیفکیٹ ہولڈرز کے لیے اب ایک لاکھ روپے کی بنیادی سرمایہ کاری کے عوض ہر ماہ ایک ہزار بیس (1,020) روپے کا منافع دیا جائے گا، جو مجموعی طور پر سالانہ بارہ اعشاریہ چوبیس (12.24) فیصد بنتا ہے، دوسری جانب معاشرے کے کمزور اور معزز طبقات کے لیے سب سے اہم ترین بہبود سیونگز سرٹیفکیٹ، پنشنرز بینیفٹ اکاؤنٹ اور شہدا فیملی ویلفیئر اکاؤنٹ کے تحت اب ایک لاکھ روپے کی سرمایہ کاری پر ماہانہ ایک ہزار ایک سو (1,100) روپے کا بڑا منافع مقرر کیا گیا ہے، جو کہ سالانہ بنیادوں پر تیرہ اعشاریہ بیس (13.20) فیصد کے برابر بنتا ہے، قومی بچت کے حکام کے مطابق مروجہ قوانین کے تحت بہبود سیونگز سرٹیفکیٹ خریدنے کی سہولت صرف بیواؤں، بزرگ شہریوں (سینیئر سیٹیزنز) اور خصوصی افراد (ڈس ایبلڈ پرسنز) کے لیے ہی دستیاب ہوگی، جبکہ پنشنرز بینیفٹ اکاؤنٹ خالصتاً ریٹائرڈ سرکاری ملازمین اور شہدا فیملی ویلفیئر اکاؤنٹ ملک کے لیے جانوں کا نذرانہ دینے والے عظیم شہدا کے پسماندگان اور اہل خانہ کے لیے مخصوص رہے گا، مختصر مدتی بچت سرٹیفکیٹس (ایس ٹی ایس سی) کے تحت سرمایہ کاری کرنے والوں کے لیے تین ماہ، چھ ماہ اور ایک سال کی مدت کے لیے بالترتیب گیارہ اعشاریہ چالیس (11.40) فیصد، گیارہ اعشاریہ چھیاسٹھ (11.66) فیصد اور گیارہ اعشاریہ ستتر (11.77) فیصد سالانہ منافع مقرر کر دیا گیا ہے، تاہم دوسری جانب حکومت نے روایتی عام سیونگ اکاؤنٹ پر منافع کی پرانی شرح کو بغیر کسی تبدیلی کے دس (10) فیصد سالانہ پر ہی برقرار رکھنے کا فیصلہ کیا ہے، معاشی ماہرین اور مالیاتی تجزیہ کاروں کے مطابق ملک میں جاری معاشی صورتحال کے تناظر میں منافع کی شرح میں یہ حالیہ اضافہ عوام میں بچت کی حوصلہ افزائی کرنے، بینکنگ نظام میں مائع کاری بڑھانے اور خاص طور پر فکسڈ انکم پر گزارا کرنے والے سرمایہ کاروں کو مہنگائی کے دور میں بہتر منافع فراہم کرنے کے حکومتی اقدامات کا ایک مخلصانہ حصہ ہے۔