کاشف عباسی , JULY 22,026
اسلام آباد (نیوز اینڈ نیوز) — 22 جولائی 2026ء
مختلف یونیورسٹیوں سے تعلق رکھنے والے طلبہ و طالبات کے ایک وفد نے اسلام آباد ٹریفک پولیس ہیڈکوارٹرز کا تعلیمی دورہ کیا۔
ترجمان پولیس کے مطابق دورے کے دوران اسلام آباد ٹریفک پولیس ایجوکیشن ونگ کی ٹیم نے طلبہ کو پولیس کے مختلف شعبہ جات کی کارکردگی، روڈ سیفٹی اور ٹریفک کے قوانین سے متعلق تفصیلی آگاہی فراہم کی۔
اس موقع پر چیف ٹریفک آفیسر (سی ٹی او) اسلام آباد کائنات اظہر خان نے طلبہ کو اسلام آباد ٹریفک پولیس کی جانب سے شہریوں کی سہولت اور دارالحکومت میں ٹریفک کے نظام کو جدید بنانے کے لیے شروع کیے گئے عوام دوست پولیسنگ کے منصوبوں سے متعلق جامع معلومات فراہم کیں۔
انہوں نے کہا کہ ٹریفک قوانین کی پاسداری اور روڈ سیفٹی سے متعلق آگاہی کا فروغ ہماری ترجیحات میں شامل ہے اور اس حوالے سے نوجوان بالخصوص طلبہ و طالبات کا کردار انتہائی اہم ہے۔