کاشف عباسی ,june 10,2026
مری(خصوصی رپورٹ/نیوز اینڈ نیوز) — 10 جون 2026ء
ملکہ کوہسار مری کی خوبصورت وادی کو غمی میں ڈوبو دینے والا ایک انتہائی ہولناک اور دلخراش ٹریفک حادثہ پیش آیا ہے، جہاں مری ایکسپریس وے پر پی ٹی ڈی سی ٹورسٹ اسپاٹ کے قریب سیاحوں کی مسافر وین میں خوفناک آگ لگنے کے نتیجے میں جاں بحق ہونے والے بدقسمت افراد کی تعداد دس (10) تک پہنچ گئی ہے جبکہ متعدد دیگر مسافر شدید طور پر زخمی اور جھلس گئے ہیں، مری اور ریسکیو ذرائع سے حاصل ہونے والی سنسنی خیز اور افسوسناک تفصیلات کے مطابق یہ قیامت خیز حادثہ اس وقت پیش آیا جب خوبصورت موسم کا لطف اٹھانے کے لیے آنے والے سیاحوں سے بھری ایک ہائی ایس وین انتہائی تیز رفتاری کے باعث موڑ کاٹتے ہوئے بے قابو ہو گئی اور سڑک کی حفاظتی دیوار سے زوردار طریقے سے جا ٹکرائی، عینی شاہدین کا کہنا ہے کہ اس شدید ترین ٹکر کے نتیجے میں گاڑی کا فیول ٹینک دھماکے سے پھٹ گیا اور پیٹرول لیک ہونے کے باعث پوری وین نے چند ہی سیکنڈز کے اندر ایک ہولناک آگ کے گولے کی شکل اختیار کر لی، ذرائع کے مطابق آگ اس قدر اچانک، تیز اور خوفناک تھی کہ وین کے اندر پھنسے ہوئے معصوم مسافروں کو باہر نکلنے کا معمولی سا موقع بھی نہ مل سکا اور وہ گاڑی کے اندر ہی زندہ جھلس گئے، جس کے باعث جانی نقصان میں انتہائی دردناک اضافہ ہوا، مری ایکسپریس وے پر لگی اس ہولناک آگ کی اطلاع ملتے ہی امدادی ٹیمیں ہنگامی بنیادوں پر سائرن بجاتی ہوئی فوری طور پر جائے وقوعہ پر پہنچ گئیں، جن میں ریسکیو 1122 ، موٹروے پولیس کے چاک و چوبند دستے اور فائر بریگیڈ کی متعدد گاڑیاں شامل تھیں، فائر فائٹرز نے سخت جدوجہد کے بعد مسافر وین میں لگی بے قابو آگ پر قابو پایا اور ریسکیو اہلکاروں نے جلی ہوئی گاڑی کا ملبہ کاٹ کر لاشوں اور تڑپتے ہوئے زخمیوں کو نکال کر فوری طور پر قریبی سرکاری اسپتالوں میں منتقل کیا، جہاں زخمیوں کی نازک حالت کے پیشِ نظر ڈاکٹروں کی چھٹیاں منسوخ کر کے ہسپتال میں ہنگامی حالت (ایمرجنسی) نافذ کر دی گئی ہے، دوسری جانب نیشنل ہائی ویز اینڈ موٹروے پولیس (NHMP) کے اعلیٰ حکام کے مطابق اگرچہ بظاہر حادثہ فیول ٹینک پھٹنے سے ہوا ہے، تاہم ابتدائی طور پر آگ لگنے کی دیگر ممکنہ وجوہات میں گاڑی کے انجن میں شارٹ سرکٹ یا مسافر گاڑیوں میں مروجہ قانون کے خلاف رکھے جانے والے غیر قانونی گیس سلنڈر کی موجودگی کو بھی خاص طور پر مدنظر رکھا جا رہا ہے، موٹروے پولیس کا کہنا ہے کہ حادثے کی سو فیصد اصل وجہ جاننے کے لیے ہائی لیول کی باقاعدہ تحقیقات شروع کر دی گئی ہیں، واضح رہے کہ اس المناک اور بڑے حادثے کے باعث مری ایکسپریس وے پر گاڑیوں کی آمد و رفت اور ٹریفک کی روانی شدید طور پر متاثر ہوئی ہے جبکہ سیاحوں اور مقامی گاڑیوں کی میلوں لمبی قطاریں لگ گئی ہیں جنہیں موٹروے پولیس متبادل راستوں پر منتقل کرنے کے لیے کوشاں ہے۔