کاشف عباسی ,june 17,2026
لاہور (ویب ڈیسک/نیوز اینڈ نیوز) — 17 جون 2026ء
سوشل میڈیا پر اپنے اچھوتے انداز، متنازعہ بیانات اور مختلف ویڈیوز کے باعث اکثر و بیشتر سرخیوں اور خبروں کی زینت بنے رہنے والے معروف مذہبی سکالر مفتی عبدالقوی کی سوشل میڈیا کی مشہور انفلواینسر فریحہ فرخ کے ساتھ ایک بالکل نئی اور اچھوتی ویڈیو وائرل ہو گئی ہے جس نے ڈیجیٹل صارفین کی تمام تر توجہ اپنی جانب مبذول کروا لی ہے، لاہور سے حاصل ہونے والی سوشل میڈیا تفصیلات کے مطابق معروف ڈیجیٹل کنٹینٹ کریئٹر فریحہ فرخ کے ساتھ بنائی گئی اس نئی ویڈیو میں مفتی عبدالقوی نے انہیں اپنی سگی ”پوتی“ قرار دے دیا ہے، اس وائرل ویڈیو میں انہوں نے فریحہ فرخ پر بلاوجہ تنقید کرنے والوں اور سوشل میڈیا کے مختلف پلیٹ فارمز پر نازیبا کمنٹس اور جملے کسنے والے صارفین کو سخت الفاظ میں ٹوکتے ہوئے کڑی وارننگ جاری کر دی ہے، مفتی عبدالقوی نے ویڈیو میں اپنے مخصوص اندازِ گفتگو میں واشگاف الفاظ میں کہا کہ یہ فریحہ میری پوتی ہے اور آج کے بعد اگر کسی بھی شخص نے میری اس پیاری پوتی پر ذرا سی بھی میلی نگاہ ڈالی تو وہ یہ بات اچھی طرح اپنے ذہن میں یاد رکھے کہ اب فریحہ کے سر پر سایہ ان کے دادا قبلہ مفتی عبدالقوی صاحب کا ہے اس لیے کوئی ان کی طرف دیکھ بھی نہیں سکتا۔
انہوں نے کیمرے کے سامنے سوشل میڈیا صارفین کو کڑی تنبیہ کرتے ہوئے مزید کہا کہ آج کے بعد میری اس پوتی کے لیے آپ میں سے کسی نے بھی اگر کوئی بھی غلط، نازیبا یا گھٹیا لفظ بولا یا کمنٹس میں لکھا تو یاد رکھیں مفتی عبدالقوی زندہ باد اور پوتی پائندہ باد، سوشل میڈیا پر جنگل کی آگ کی طرح وائرل ہونے والی اس ویڈیو میں اپنے روایتی اور دھیمے انداز میں بات کو آگے بڑھاتے ہوئے مفتی عبدالقوی نے ملک بھر کے نوجوانوں کو ایک اہم نصیحت بھی کی، ان کا کہنا تھا کہ لوگوں کو ہر حال میں اپنے ذہنوں کو صاف، نیک اور مثبت رکھنا چاہیے، آج کی بھٹکی ہوئی نوجوان نسل کے لیے میرا صرف ایک ہی مخلصانہ پیغام ہے کہ اپنا ذہن ہر معاملے میں مثبت رکھیں اور اپنی زبان کو ہمیشہ دوسروں کے لیے میٹھا بنائیں، مفتی عبدالقوی اور فریحہ فرخ کی اس نئی ویڈیو پر انٹرنیٹ صارفین کی جانب سے ملے جلے ردعمل، طنز اور دلچسپ تبصروں کا سلسلہ تیزی سے جاری ہے۔