روزینہ اسماعیل, September 07,2026
اسلام آباد (نیوز اینڈ نیوز) — 7 ستمبر 2026ء
پاکستان کی اعلیٰ ترین تعلیمی درسگاہ قائداعظم یونیورسٹی کے شعبہ انگریزی اور بین الاقوامی لسانی ادارے ‘ایس آئی ایل انٹرنیشنل’ کے درمیان یونیورسٹی میں اپنی نوعیت کی پہلی جدید ترین لینگویج لیبارٹری کے قیام کے حوالے سے ایک انتہائی اہم پیش رفت سامنے آئی ہے۔
اسی سلسلے میں قائداعظم یونیورسٹی کے شعبہ انگریزی میں ایک اعلیٰ سطحی مشترکہ اجلاس منعقد ہوا، جس میں ایس آئی ایل انٹرنیشنل کے علاقائی ڈائریکٹر وین لونسفورڈ، پاکستان کی کنٹری ڈائریکٹر ایمی سنیل اور یونیورسٹی میں ایس آئی ایل کے نمائندے نکولس ہائڈاک نے شرکت کی۔ اجلاس میں شعبہ انگریزی کی چیئرپرسن پروفیسر عروسہ کنول، ڈاکٹر عمیما کامران اور ڈاکٹر یاسر حسین بھی موجود تھے۔
اجلاس کے دوران مجوزہ زبان لیبارٹری کے تکنیکی ڈیزائن، جدید ترین ساؤنڈ و لینگویج سافٹ ویئرز، ضروری آلات اور اس کے مستقبل کے تعلیمی و تحقیقی استعمال سے متعلق مختلف انتظامی و سائنسی امور کا تفصیلی جائزہ لیا گیا۔
شعبہ انگریزی کی چیئرپرسن پروفیسر عروسہ کنول نے اجلاس سے خطاب کرتے ہوئے کہا کہ ایس آئی ایل انٹرنیشنل کے عالمی تعاون سے قائم ہونے والی یہ لینگویج لیبارٹری شعبے کے تعلیمی و تحقیقی ڈھانچے کو جدید ترین عالمی معیار سے ہم آہنگ کرنے میں سنگِ میل ثابت ہوگی۔ جدید ڈیجیٹل ٹیکنالوجی کے مؤثر استعمال سے نہ صرف زبان کی تدریس اور سیکھنے کے عمل کو بہتر بنایا جا سکے گا بلکہ طلبہ کی عملی مہارتوں میں بھی اضافہ ہوگا۔
اجلاس میں اس بات پر خصوصی تمرکز کیا گیا کہ اس لیبارٹری کے قیام سے انگریزی زبان، ڈسکورس اینالسز، ترجمہ نگاری اور بالخصوص پاکستان میں معدومیت کے خطرے سے دوچار علاقائی زبانوں پر سائنسی تحقیق کرنے والے اساتذہ، محققین اور طلبہ کو عالمی سطح کی تکنیکی سہولیات میسر آئیں گی۔
قائداعظم یونیورسٹی کی انتظامیہ اور شعبہ انگریزی نے ایس آئی ایل انٹرنیشنل کی جانب سے تعلیمی و سائنسی تعاون کو زبردست الفاظ میں سراہتے ہوئے امید ظاہر کی کہ یہ باہمی اشتراک ملک میں زبانوں کی فروغ اور تعلیمی تحصیلاسی و تحقیقی سرگرمیوں کو ایک نیا موڑ دے گا۔