محمود احمد, August 24,2026
بیجنگ (نیوز اینڈ نیوز) — 24 اگست 2026ء
چین کے نائب صدر ہان ژینگ سے کویت کے وزیرِ خارجہ شیخ جراح جابر الاحمد الصباح نے بیجنگ میں ایک اہم ملاقات کی، جس میں دونوں ممالک کے درمیان دوطرفہ تعلقات کو مزید مضبوط بنانے اور مختلف شعبوں میں شراکت داری کو نئی بلندیوں پر لے جانے پر کامل اتفاق کیا گیا۔
چینی خبر رساں ادارے شنہوا کے مطابق، ملاقات کے دوران چینی نائب صدر نے کہا کہ دونوں ممالک کی اعلیٰ قیادت کی سٹریٹجک رہنمائی میں چین اور کویت کے تعلقات مسلسل بہتری کی جانب گامزن ہیں۔ انہوں نے اس بات پر زور دیا کہ حالیہ برسوں میں مختلف تجارتی، معاشی اور سفارتی شعبوں میں تعاؤن میں نمایاں پیش رفت ہوئی ہے۔ چین کویت کے ساتھ مل کر دوطرفہ تعلقات کو مزید اعلیٰ سطح پر لے جانے کے لیے پرعزم ہے۔ نائب صدر ہان ژینگ نے مزید کہا کہ چین مشرقِ وسطیٰ میں دائمی امن و سکون کی بحالی کے لیے خطے کے تمام فریقین کے ساتھ مل کر امن مذاکرات اور سفارتی کوششیں جاری رکھے گا۔
کویتی وزیرِ خارجہ شیخ جراح جابر الاحمد الصباح نے عالمی اور علاقائی مسائل پر چین کے مثبت اور تعمیری کردار کو سراہا اور چین کی جانب سے کویت کی مسلسل حمایت کا شکریہ ادا کیا۔ انہوں نے واضح کیا کہ کویت ‘ایک چین’ کے اصول پر مضبوطی سے قائم ہے۔ کویتی وزیرِ خارجہ نے عزم ظاہر کیا کہ کویت چین کے ساتھ اپنے تعلقات میں نئے اور وسیع امکانات پیدا کرنے کے لیے مسلسل کوششیں جاری رکھے گا۔