کاشف عباسی , August 07,2026
مکہ مکرمہ (نیوز اینڈ نیوز) — 07 اگست 2026ء
وزیراعظم پاکستان محمد شہباز شریف نے مکہ مکرمہ کے تاریخی قصر الصفا میں سعودی عرب کے ولی عہد اور وزیراعظم شہزادہ محمد بن سلمان بن عبدالعزیز آل سعود سے اعلیٰ سطحی ملاقات کی ہے۔
وزیراعظم آفس کے میڈیا ونگ کی جانب سے جاری کردہ باضابطہ بیان کے مطابق سعودی ولی عہد نے قصر الصفا آمد پر وزیراعظم محمد شہباز شریف کا گرمجوشی سے پرُتپاک استقبال کیا۔
اس اہم اور اعلیٰ سطحی ملاقات میں پاکستان کی جانب سے نائب وزیراعظم و وزیر خارجہ سینیٹر محمد اسحاق ڈار، آرمی چیف و چیف آف ڈیفنس فورسز فیلڈ مارشل سید عاصم منیر اور وفاقی وزیر دفاع خواجہ محمد آصف بھی موجود تھے۔ ملاقات کے دوران دونوں برادر اسلامی ممالک کے درمیان دوطرفہ تعلقات، اسٹریٹجک شراکت داری، معاشی و دفاعی تعاون کے فروغ اور باہمی دلچسپی کے اہم علاقائی و عالمی امور پر تفصیلی گفتگو کی گئی۔