محمود احمد, August 31,2026
تہران/ابوظہبی (نیوز اینڈ نیوز) — 31 اگست 2026ء
ایران کی مسلح افواج نے جاری علاقائی کشیدگی کے دوران ایک اور بڑی عسکری کارروائی کا دعویٰ کرتے ہوئے کہا ہے کہ انہوں نے اردن میں امریکی فوجی تنصیبات پر حملے کے بعد اب متحدہ عرب امارات میں واقع ‘المنہاد ایئر بیس’ پر موجود امریکی ہیلی کاپٹروں، دفاعی آلات اور فوجی اہلکاروں کی موجودگی کے مخصوص ٹھکانوں کو کامیابی سے نشانہ بنایا ہے۔
ایرانی فوجی ذرائع کے مطابق المنہاد ایئر بیس پر یہ کارروائی ڈرونز اور گائیڈڈ راکٹس کے ذریعے کی گئی، جس کا مقصد خطے میں امریکی فورسز کی لاجسٹک اور عسکری نقل و حرکت کو مفلوج کرنا ہے۔ دوسری جانب، اس کارروائی کے فوراً بعد ایران کے صدر مسعود پزشکیان نے اپنے ایک اہم بیان میں خطے کی تشویشناک صورتحال پر تبصرہ کرتے ہوئے کہا ہے کہ ’خطے میں عدم استحکام، جنگ کی شدت اور بدامنی کسی بھی ملک کے مفاد میں نہیں ہے اور یہ صورتحال بلا تفریق تمام ممالک کے لیے سنگین مشکلات اور معاشی بحران پیدا کرے گی۔‘
واضح رہے کہ خلیجی خطے میں ایران، امریکہ اور اس کے اتحادیوں کے مابین جاری عسکری کشیدگی اب انتہائی خطرناک موڑ پر داخل ہو چکی ہے، جبکہ متحدہ عرب امارات اور اردن میں امریکی اڈوں پر مسلسل پاسدارانِ انقلاب اور ایرانی افواج کے دعووں سے مشرقِ وسطیٰ میں ہمہ گیر جنگ کی لپیٹ میں آنے کے خدشات شدت اختیار کر گئے ہیں۔