منصور احمد, September 01,2026
بشکیک/اسلام آباد (نیوز اینڈ نیوز) — 1 ستمبر 2026ء
پاکستان کے نائب وزیراعظم اور وزیرِ خارجہ سینیٹر محمد اسحاق ڈار نے کرغزستان کے دارالحکومت بشکیک میں شنگھائی تعاون تنظیم کے سربراہانِ مملکت کے اعلیٰ سطحی اجلاس کے موقع پر ازبکستان کے وزیرِ خارجہ بختیار سعیدوف سے ایک اہم ملاقات کی ہے۔
ترجمان دفترِ خارجہ سے جاری باضابطہ بیان کے مطابق اس ملاقات کے دوران دونوں رہنماؤں نے پاکستان اور ازبکستان کے درمیان قائم قریبی، دوستانہ اور مسلسل بڑھتی ہوئی سٹریٹجک شراکت داری کا دہرایا اور تمام شعبوں میں تعاون کو مزید گہرا کرنے کا اعادہ کیا۔
ملاقات کے دوران دونوں وزرائے خارجہ نے باہمی دلچسپی کے تمام تر شعبوں، خاص طور پر تجارتی، معاشی، علاقائی روابط اور سیکیورٹی تعاون کو مزید فعال اور مضبوط بنانے کے مختلف عملی طریقوں اور اقدامات پر تفصیلی تبادلہ خیال کیا۔
