محمود احمد, August 25,2026
پشاور (نیوز اینڈ نیوز) — 25 اگست 2026ء
گورنر خیبر پختونخوا فیصل کریم کنڈی سے پاکستان پیپلز پارٹی کے رہنما رجب علی شیخ نے گورنر ہاؤس پشاور میں اہم ملاقات کی، جس کے دوران ڈیرہ اسماعیل خان کی علاقائی ترقی اور عوامی بہبود کے مختلف منصوبوں پر تفصیل سے تبادلہ خیال کیا گیا۔
گورنر ہاؤس پشاور کے ترجمان کے مطابق، ملاقات میں رجب علی شیخ نے ڈیرہ اسماعیل خان میں سندھ انسٹیٹیوٹ آف یورولوجی اینڈ ٹرانسپلانٹیشن (SIUT) کے قیام کے لیے گورنر فیصل کریم کنڈی کی انتھک کاوشوں کو بھرپور خراجِ تحسین پیش کیا۔ انہوں نے کہا کہ ایس آئی یو ٹی کا قیام نہ صرف ڈیرہ اسماعیل خان بلکہ خیبر پختونخوا کے ساتھ ساتھ پنجاب اور بلوچستان کے ملحقہ اضلاع کے عوام کے لیے بھی صحت کے شعبے میں ایک عظیم تحفہ ثابت ہو گا۔
گورنر فیصل کریم کنڈی نے اس موقع پر اعادہ کیا کہ صوبے خصوصاً پسماندہ اضلاع میں معیاری طبی سہولیات اور انفراسٹرکچر کی فراہم حکومت اور ان کی ترجیحات میں شامل ہے تا کہ عوام کو ان کی دہلیز پر بنیادی سہولیات میسر آ سکیں۔