sports

(نیوز اینڈ نیوز – 04 مئی 2026ء) :محمود احمد

لاہور,بابر اعظم نے پاکستان سپر لیگ (پی ایس ایل) 11 کے فائنل میں کامیابی کے بعد کہا ہے کہ یہ ٹیم اور کھلاڑیوں کے لیے ایک زبردست لمحہ ہے، اور میچ ٹو میچ پلاننگ ہی مسلسل کامیابی کی بنیاد بنی۔

میڈیا سے گفتگو کرتے ہوئے کپتان نے کہا کہ ٹیم نے پورے ٹورنامنٹ میں ہر میچ کے لیے الگ حکمت عملی اختیار کی، جس کے مثبت نتائج سامنے آئے۔ ان کا کہنا تھا کہ کھلاڑیوں نے ذمہ داری کا مظاہرہ کیا اور دباؤ میں بہترین کارکردگی دکھائی۔

بابر اعظم نے کہا کہ ٹیم ورک ہی اصل کامیابی ہے، ہر کھلاڑی نے اپنا کردار بخوبی ادا کیا، جس کی بدولت ٹیم فائنل جیتنے میں کامیاب ہوئی

انہوں نے شائقینِ کرکٹ کا شکریہ ادا کرتے ہوئے کہا کہ ان کی بھرپور سپورٹ نے ٹیم کا حوصلہ بلند رکھا، جبکہ کوچنگ اسٹاف کی محنت بھی قابلِ تعریف ہے۔

کپتان کے مطابق ٹیم آئندہ بھی اسی تسلسل کو برقرار رکھنے کی کوشش کرے گی اور مزید کامیابیاں حاصل کرنے کے لیے بھرپور محنت جاری رکھے گی۔